Jaunuos latgalīšu muzykys festivals "Muzykys Skrytuļs"

Ari itymā godā pīsadola gon jauni, gon atpazeistameibu īgivuši spylgtuokī Latgolys muzykanti, kuri dažaidūs žanrūs roksta i izpylda jaunys dzīsmis latgaliski. „Muzykys Skrytuļs” ar apakšnūsaukumu „Kruot var na tikai naudu” nav komercials pasuokums, deļ tuo vysim daleiba un īeja ir breiva.

Festivala programma ītver divejus breivdobys koncertus. Piecpusdīnē plkst.16:00 suocās vokora koncerts. Piec tam plkst.19:00 suocās nakts koncerts.

Itūgod pīsadola: „Bez PVN”, „Dabasu Durovys”, „Laimas Muzykanti”, „Green Novice”, „AoZ Project”, „Weron Martin”, „Sindroms”, „Rudens stīgas”, Inga un Normunds, „Likteneigais pagrīzīņs uz Vainovu”, Vinsents Kūkojs, „Inlay”, „Je-bazz”, „D-Light”, „Maiznieki”, „Inde Indive”, Elīza un Kristiāns, "Dyrbyni", „Meiteņu grupa”, „Buca”, „Cielaviņa”, „DemY-eR”, folklorys kūpys "Saivenis" i "Vīšnis", sīvīšu vok.ans."Dziedi līdzi", „Alverna”, „Ieklausies” un "4-you".

Uzastuošonys laikā kotrs daleibnīks vysmoz divejis dzīsmis izpiļdeis latgaliski. Pasuokuma laikā byus jaunuokūs latgalīšu muzkykys kompaktdisku i jauna projekta „Latgalīšu kulturys gazeta” (Lakuga.LV) prezentaceja. Byus īspieja likt teltis i kurynuot guņkurus, saspēlēt volejbolu voi vīnkuorši izamauduot... Leiksnys pogosts ir vīna nu skaistuokajom vītom vysā Latgolā - sakuortuota vide, sakūpts parks, skaista bazneica, natuoļ Daugava i apleik pylns ar lobim cylvākim...

Itūgod festivalu "Muzykys Skrytuļs" papyldynuos jauns muokslys projekts paruodūt Latgolys regionu muokslinīciskā, vizualā i fotografejis retrospekcijā - "Muokslys Skrytuļs 2007". Izstuode apvīnuos Latgolys muokslinīkus, kuri izsaceis dūmys par Latgolys regiona kulturu sovūs muokslys dorbūs. Muokslinīki: Mihails Ščepanskis (Daugavpiļs, Moskova), Gaļina Gruziņa (Bolvi), Laima Rēriha (Rēzekne), Kristīne Klodāne (Neicgaļs, Reiga), Guna Simanoviča (Neicgaļs, Daugavpiļs), Jurika Bakāne (Rēzekne). Ari „Muokslys Skrytuļa” izstuodis atkluošona nūtiks 14.jūlī, Leiksnā.

Fesivala „Muzykys Skrytuļs” reikuotuoji: Daugavpiļs rajona Leiksnys pogosta padūme i Latgolys Studentu centrs. Finansiali atbolsta: Latgolys regiona atteisteibys agentura i Kulturkapitala fonds, Daugavpiļs rajona padūmis Tautys izgleiteibys i kulturys centrs, Juris Vingris, Daugavpiļs Universitate, Rēzeknis Augstškola, Latvejis Universitatis Latgolys filiale i a/s „Hanzabanka”. Informativi atbolsta: „Privātā Dzīve”, „Ieva”, „Latgales Laiks”, „Vietējā Latgales Avīze”, „Lietišķā Latgale”, „Katōļu Dzeive”, Latgale.LV, Studentnet.lv, hc.lv, munidraugi.lv i LaKuGa.LV. „Muzykys Skrytuļa” oficialuo radeja - Latgolys Radeja.

Informaceja par festivalu škārsteiklā: http://latgale.lv/lg/lgsc